Chief Minister Dai-Didi Clinic: 1.42 लाख ले जादा महिला मन के होइन मुफत इलाज, पढ़व

जय जोहार। मुख्यमंत्री दाई-दीदी मोबाइल क्लीनिक के माध्यम ले अब तक करीब 1812 कैम्प लगाए गेहे । ए क्लीनिक ले रायपुर, बिलासपुर अउ भिलाई नगर निगम क्षेत्र के स्लम बस्ती म रहवइया 1 लाख 42 हजार 582 महिला अउ बच्ची के ओखर घर के तीर दाई-दीदी क्लीनिक कैंप के माध्यम ले इलाज करे गेहे ।

गौरतलब हे कि छत्तीसगढ़ सासन के नगरीय प्रसासन अउ विकास विभाग डहार ले मुख्यमंत्री दाई-दीदी क्लिनिक योजना संचालित हे । ए योजना के तहत दाई-दीदी क्लिनिक के मोबाइल मेडिकल यूनिट के वाहन म महिला चिकित्सक अउ महिला स्टॉफ के टीम पहुंचत हे अउ जरूरतमंद महिला अउ बच्ची के बीमारी के मुफत इलाज करत हे ।

ए मोबाइल मेडिकल यूनिट डहार ले 26 हजार 717 महिला मन के लैब टेस्ट करे गेहे अउ 1 लाख 36 हजार 95 महिला मन ल मुफत दवाई दे गीन । पहिले गरीब स्लम क्षेत्र म रहवइया अउ मेहनत मजदूरी करइया अइसे महिला जेन बेरा या अन्य कई सेती ले अपन इलाज नई करवा पात रिहीन, परन्तु अब दाई-दीदी क्लीनिक ले ओमन ल इलाज के सुविधा घर के तीर ही महिला चिकित्सक अउ चिकित्सा स्टॉफ के माध्यम ले मिलत हे अउ अपन इलाज करावत हे ।