CM Bhupesh Baghel ह करीन फाफाडीह वाल्टियर रेल लाइन फोरलेन रेल्वे अंडर ब्रिज के लोकार्पण

जय जोहार। सीएम भूपेश बघेल (CM Bhupesh Baghel) ह शुक्रवार के रायपुर ले बिलासपुर रद्दा म रायपुर – विजयनगरम शाखा रेल मार्ग म स्थित लेवल क्रासिंग म निर्मित फुल हाईट फोरलेन रेलवे अण्डर ब्रिज के लोकार्पण करीन । रायपुर-बिलासपुर राजमार्ग म लोकार्पित ये राज्य के पहिला फुल हाईट फोरलेन रेलवे अंडरब्रिज हे, जेला 28.11 करोड़ रुपिया के लागत ले छत्तीसगढ़ लोक निर्माण विभाग डहार ले तईयार करे गेहे ।

ए फुल हाइट फोरलेन रेलवे अंडर ब्रिज के निर्माण ले रायपुर शहरी क्षेत्र के लगभग 5 लाख के आबादी ल सुगम यातायात के लाभ मिलही । रायपुर ले बिलासपुर रद्दा रायपुर- विजयनगरम शाखा रेल मार्ग म स्थित लेवल कासिंग म रेल गुजरे ले रेलवे फाटक बंद होत रिहीन अउ आवागमन अवरुद्ध हो जात रिहीन । जन आकांक्षा ल धियान म रखत हुए राज्य सासन के ए महत्वपूर्ण परियोजना के स्वीकृति बछर 2017 म प्रदान करे गे रिहीन । ए ब्रिज के कुल लंबाई पहुंच मार्ग स्थित 336.96 मीटर हे ।

ए मउका म मुख्यमंत्री श्री बघेल ह किहीन कि मनखे मन के कठिनाई ल देखत हुए राज्य सरकार ह ए परियोजना ल तेजी ले पूरा करे बर हर स्तर म पहल करीन । आज ये परियोजना पूरा होके लोकार्पित होवत हे अउ क्षेत्र के मनखे मन के बहुप्रतीक्षित मांग पूरा होवत हे। ए अंडरब्रिज के सुरू हो जाए ले यातायात सुगम होही अउ आवागमन म सुविधा होही ।