chhattisgarh : आदिवासी बहुल दंतेवाड़ा म 4 हजार ले जादा लईका मन ह कुपोसण ल दीन मात

जय जोहार। (chhattisgarh ) मुख्यमंत्री भूपेश बघेल के पहल म सुरू करे गे मुख्यमंत्री सुपोसण योजना ले महिला अउ लईका मन के स्वास्थ्य म बड़का सुधार आवत हे । आदिवासी बहुल दंतेवाड़ा जिला म 4 हजार 412 लईका मन ह कुपोसण ल मात दे दीन हे। ए योजना ले अब तक इंहा 94 हजार 828 महिला अउ लईका मन ह लाभ उठाइन हे।

मुख्यमंत्री सुपोसण अभियान के मुख्य उद्देश्य ह स्थानीय स्तर म उपलब्ध पौष्टिक भोजन, प्रोटीन, आयरन युक्त खाद्य सामाग्री ल दैनिक जीवन म सामिल कर कुपोसण अउ एनीमिया के दर म कमी लाना हे । एखर संग ही जन-सामान्य म कुपोसण अउ एनीमिया के विरूद्ध जन-जागरूकता लाके एखर ले निपटे बर वातावरण ल तईयार करना हे । ए योजना के तहत दंतेवाड़ा जिला म सुपोसण केंद्र के माध्यम ले 1 ले 3 बछर के सामान्य अउ कुपोसित लईका, शिशुवती माता अउ आंगनबाड़ी केन्द्र के माध्यम ले 3 ले 6 बछर के लईका अउ गर्भवती माता ल पौष्टिक आहार ले लाभांवित करे जावत हे ।

राज्य सरकार डहार ले लईका अउ माता ल योजना के तहत हर रोज मुफत पौष्टिक भोजन दे जावत हे । खान म अंडा, गुड़ और मूंगफली ले बने पौष्टिक लड्डू दे जावत हे । लईका, महिला ल पौष्टिक आहार मिले ले कुपोसण के दर घटे हे । आंगनबाड़ी दीदी डहार ले गर्भवती माता के खानपान, संतुलित आहार साफ-सफाई म विसेस धियान दे ले स्वास्थ्य के प्रति सकारात्मक वातावरण तईयार होए हे । ए दीदी डहार ले घर-घर भेंट कर गर्भवती माता ल पौष्टिक व्यंजनो, लईका मन के उचित देखभाल, उचित पोसण अउ टीकाकरण के बारे म जानकारी घलो दे जावत हे ।