जय जोहार। (Godhan Nyay Yojana ) सीएम भूपेश बघेल ह आज अपन निवास कार्यालय ले गोधन न्याय योजना के तहत पशुपालक ग्रामीण, गौठान ले जुड़े महिला समूह अउ गौठान समिति ल 5 करोड़ 32 लाख रुपिया के रासि ऑनलाइन जारी करीन । एखर अंतर्गत 16 मार्च ले 31 मार्च तक खरीदे गे 1 लाख 45 हजार क्विंटल गोबर के एवज म 2 करोड़ 91 लाख रुपिया भुगतान करे के संग ही गौठान समिति ल 1.43 करोड़ रुपिया अउ महिला समूह ल 98 लाख रुपिया के लाभांस रासि सामिल हे ।
ए अवसर म कृषि मंत्री रविन्द्र चौबे, उद्योग मंत्री कवासी लखमा, मुख्यमंत्री के सलाहकार विनोद वर्मा, छत्तीसगढ़ राज्य खनिज विकास निगम के अध्यक्ष गिरीश देवांगन, राज्य गौ सेवा आयोग के अध्यक्ष महंत रामसुंदर दास कृषि विभाग के विशेष सचिव डॉ. अय्याज एफ. तम्बोली मुख्यमंत्री निवास म उपस्थित रिहीन अउ मुख्यमंत्री के सलाहकार प्रदीप शर्मा अउ राज्य नोडल अधिकारी RIPA गौरव सिंह वीडियो कांफ्रेंसिंग ले जुड़े रिहीन ।
मुख्यमंत्री भूपेश बघेल ह किहीन कि गोधन न्याय योजना म हमन मनखे मन ह सरलग उपलब्धि हासिल करे हन, लेकिन स्वावलंबी गौठान के संख्या म तेजी ले वृद्धि होवत हे, वो हमर मन के सबले बड़का उपलब्धि हे, काबर कि ए योजना के मुख्य उद्देश्य ही अपन गांव ल आर्थिक रूप ले स्वावलंबी बनाना हे । गोबर विक्रेता ल दे जावत रासि म ले 1 करोड़ 67 लाख रुपिया के रासि स्वावलंबी गौठान डहार ले स्वयं भुगतान करे जावत हे । जबकि विभाग डहार ले 1 करोड़ 24 लाख रुपिया के भुगतान करे जावत हे ।
