chhattisgarh : सीएम भूपेश बघेल अउ कार्यक्रम के विशिष्ट अतिथि प्रियंका गांधी ह करीन पं. नेहरू के मूर्ति म श्रद्धा सुमन अर्पित

जय जोहार । (chhattisgarh ) भरोसे का सम्मेलन कार्यक्रम म सामिल होए ल पहुँचे मुख्यमंत्री भूपेश बघेल अउ कार्यक्रम के विशिष्ट अतिथि प्रियंका गांधी ह जगदलपुर म लालबाग मैदान के तीर नेहरु स्मृति मंच स्थल म भारत के प्रथम प्रधानमंत्री पंडित जवाहरलाल नेहरू के प्रतिमा म श्रद्धासुमन अर्पित करीन ।

मुख्यमंत्री भूपेश बघेल अउ कार्यक्रम के विशिष्ट अतिथि प्रियंका गांधी वाड्रा ह ऐतिहासिक पंडित नेहरू स्मृति मंच के अवलोकन करीन । ए मंच के निर्माण ल वो स्थल म करे गेहे, जिहां ले देस के प्रथम प्रधानमंत्री पंडित जवाहरलाल नेहरू ह तृतीय राष्ट्रीय आदिवासी सम्मेलन ल संबोधित करे रिहीस । 13 मार्च 1955 के आयोजित ए सम्मेलन के उद्घाटन अवसर म पंडित नेहरू इंहा आए रिहीस । इंहा लगाए गे पांच शिलालेख म नेहरू जी के जीवन ले संबंधित जानकारी के घलो अवलोकन अतिथि मन ह करीन ।