उद्योग मंत्री दर्री अउ कोसाबाड़ी जोन के वार्डों म विभिन्न लोकार्पण अउ भूमि पूजन कार्यक्रम म होइस सम्मिलित
रायपुर। वाणिज्य उद्योग अउ श्रम मंत्री लखन लाल देवांगन कोरबा नगर निगम क्षेत्र के दर्री जोन के वॉर्ड क्रमांक 47 म आयोजित भूमिपूजन अउ लोकार्पण कार्यक्रम म 44 लाख के विकास कार्य के सौगात दिन।
मंत्री देवांगन ह कोरबा नगर निगम क्षेत्र के दर्री जोन के वॉर्ड क्रमांक 47 गोपालपुर शिव मंदिर के तीर प्रभारी मद के 15 लाख के लागत ले भारिया समाज सामुदायिक भवन के तीर नवनिर्मित सामुदायिक भवन के लोकार्पण के साथ- साथ अधोसंरचना मद अउ जिला खनिज न्यास मद ले निम्न विकास कार्य के भूमिपूजन अउ शिलान्यास करिन।
ओखर संग वार्ड 45 रामनगर म सामुदायिक भवन के पास किचन शेड निर्माण कार्य 4 लाख, वार्ड 47 हाउसिंग बोर्ड कॉलोनी म सामुदायिक गवन निर्माण कार्य लागत 10 लाख, वार्ड के 48 सलिहाभाठा सुमेधा म सामुदायिक भवन निर्माण कार्य लागत 10 लाख, वार्ड 53 नदियाखार पुलिया के तीर मुक्तिधाम निर्माण कार्य 5 लाख कुल 29 लाख के कार्य के भूमिपूजन अउ शिलान्यास करिन। ए अवसर म मंत्री देवांगन के भारिया समाज के लोगन ह आभार अउ अभिनंदन करिन। समाज के प्रमुख जन मन के मांग म सामुदायिक भवन के बाउंड्रीवाल अउ चेका टाइल्स बर मंत्री ह 15 लाख के स्वीकृति के सहर्ष घोषणा करिन।
अइसने ही कोरबा नगर निगम आवसीय कॉलोनी परिसर स्थित शिव मंदिर म विधायक मद, प्रभारी मद ले वार्ड क्र. 22 नगर पालिक निगम आवासीय कालोनी कोरबा म न.पा.नि. कोरबा के निर्मित पंडाल म शेड अउ हाल के निर्माण 10 लाख, वार्ड क्र. 22 नगर पालिक निगम आवासीय परिसर के सार्वजनिक परिसर म पंडाल के निर्माण कार्य 7 लाख के लोकार्पण करिन। संग म वार्ड क. 22 न.पा.नि. कोरबा आवासीय परिसर के तीर सामुदायिक भवन निर्माण कार्य लागत 6 लाख, वार्ड 33 रामपुर उद्यान के विकास कार्य लागत 20 लाख के कार्य के भूमिपूजन अउ शिलान्यास करिन।
ए अवसर म मंत्री देवांगन ह कहिन कि विष्णु सरकार म विकास कार्य के गति के आप अंदाजा लगा सकत हव, जेन कार्य के स्वीकृति जून म मिले रिहीन, ओ कार्य के भूमिपूजन करे गिस, आज उखर लोकार्पण करके आम जन मानस ल समर्पित करे जात हे। अवइया दिन म बहुत सारा उपलब्धी हमर शहर के संग वार्ड के संग जुड़ही। मंत्री देवांगन ह कहिन कि 10 जनवरी के बाद कोरबा नगर निगम के मौजूदा कार्यकाल समाप्त हो चुके हे। एखर के संग कोरबा नगर निगम के बदहाली के कार्यकाल के अवधि घलो समाप्त हो चुके हे। अवइया दिन में आप जम्मों झन के आशीर्वाद अउ समर्थन के संग कोरबा नगर निगम म विकास के नवा इबारत लिखे जाहि। ए अवसर म पूर्व जिला अध्यक्ष डॉ राजीव सिंह, पूर्व नेता प्रतिपक्ष हितानंद अग्रवाल, कौशल देवांगन, पूर्व पार्षद चंद्रलोक सिंह, कोसाबाडी मंडल अध्यक्ष डॉ राजेश राठौर, दर्री मंडल अध्यक्ष ईश्वर साहू, ज्योति वर्मा, पूर्व पार्षद विजय साहू, नारयण ठाकुर, तुलसी ठाकुर, राज जायसवाल, पुष्पा कंवर, फीरत साहू ममता साहू, कविता राजपूत, मुकुंद सिंह, भारिया समाज के अध्यक्ष विजय भारिया, रामकुमार, हेमलाल, गौरी भारिया सहित अन्य उपस्थित रहिन।
