मुख्यमंत्री ह उत्तर प्रदेश के मुख्यमंत्री योगी आदित्यनाथ के करिन मयारू सुवागत

रायपुर, मुख्यमंत्री विष्णु देव साय ह आज बस्तर में होय मध्य क्षेत्रीय परिषद के 26वीं बइठक में सामिल होय बर पहुंचे उत्तर प्रदेश के मुख्यमंत्री योगी आदित्यनाथ के छत्तीसगढ़ के पावन भुइँया में मयारू सुवागत अउ अभिनंदन करिन। मुख्यमंत्री श्री साय ह ओमन ला राजकीय गमछा भेंट करके छत्तीसगढ़ के परंपरिक संस्कृति के मुताबिक सनमान दीन।

उल्लेखनीय हे कि केंद्रीय गृह अउ सहकारिता मंत्री अमित शाह के अगवाई में मध्य क्षेत्रीय परिषद के 26वीं बइठक के आयोजन आज बस्तर में करे जात हे। ए जरूरी बइठक में अब्बड़ अकन राज्यों के बीच आपस के तालमेल, बिकास अउ प्रशासनिक बिसय ऊपर बिस्तार से गोठ-बात होही।

ए मौका में मुख्यमंत्री विष्णु देव साय अउ मुख्यमंत्री योगी आदित्यनाथ के बीच कतकोन समसामयिक मुद्दा, राज्य के बीच आपसी तालमेल अउ इलाका के बिकास से जुड़े बिसय ऊपर बिस्तार से चर्चा होइस। बइठक में सुशासन, बिकास योजना ला सही ढंग से लागू करे अउ जनता के हित से जुड़े मुद्दा ऊपर घलो गोठ-बात होइस।