बॉलीवुड के चांदनी ‘श्रीदेवी’ के दिल के दौरा पड़े ले निधन

नई दिल्ली । फिल्म जगत के मशहूर अदाकारा श्रीदेवी के दुबई म दिल के दौरा पड़े ले निधन होगे। श्रीदेवी के मौत के खबर ले बॉलीवुड अउ उंखर फैंस ल बड़ा झटका लगे हे। प्रधानमंत्री नरेंद्र मोदी ह दिग्गज एक्ट्रेस के निधन म दुख जताइस हे। अभिनेत्री ल बॉलीवुड हस्ति मन ह श्रद्धांजलि दीस हे। प्रदेश मुख्यमंत्री डॉ. रमन सिंह घलों श्रीदेवी के निधन म शोक जताइस हे।
बॉलीवुड के जानी-मानी अभिनेत्री श्रीदेवी के शनिवार रात के दुबई म निधन होगे हे। वोह 54 बरस के रिहिस हे। बॉलीवुड ऐक्टर मोहित मारवाह के शादी म शरीक होए बर श्री देवी परिवार के संग दुबई गे रिहिरस हे। अउ उंहूचे दिल के दौरा पड़े के वजह ले उंखर निधन होगे। जानकारी के मुताबिक, श्रीदेवी के पार्थिव शरीर ल आज दोपहर 2 बजे एयर कार्गो ले मुंबई लाए जाही। श्रीदेवी के परिवार म पति बोनी कपूर के अलावा उँखर दो बेटियां खुशी अउ जाह्नवी हवय। पति बोनी कपूर अउ छोटी बेटी खुशी शादी म शरीक होए बर दुबई म उंखर संग रिहिस हे। ओती बड़ी बेटी जाह्नवी शूटिंग म व्यस्तता के वजह से दुबई नइ जा पाए रिहिस हे। प्रियंका चोपड़ा ह एला बॉलीवुड का काला दिन बताइस हे। श्रीदेवी के मौत के खबर ले सब हैरान हवय। सुष्मिता सेन , प्रियंका चोपड़ा , सिद्धार्थ मल्होत्रा , रितेश देशमुख जैइसे सितारा मन ह ट्वीट कर दुख जताइस हे। प्रधानमंत्री नरेंद्र मोदी किहिस कि अभिनेत्री श्रीदेवी के असामयिक मृत्यु ले दुखी हव। ए दुख के घड़ी म मोर संवेदना ह उंखर परिवार अउ प्रशंसक के संग हवय। मुख्यमंत्री डॉ.रमन सिंह ह किहिस कि ये सुन के दुखी अउ स्तब्ध हव। भगवान उंखर आत्मा ल शांति अउ परिवार ल ताकत दें।’
सदमा दे गिस चांदनी
श्रीदेवी ह सदमा, चांदनी, हिम्मतवाला, तोहफा, नगीना, हीर रांझा, रूप की रानी चोरों का राजा, लाडला, जुदाई जैसी कई यादगार फिल्म मन म बेहतरीन अभिनय दिखाइस हे। श्रीदेवी ह हाल ही म मॉम फिल्म म मुख्य भूमिका निभाई रिहिस हे। ए सुपरहिट फिल्म ल बॉलीवुड म उंखर कमबैक माने गे रिहिस हे।