लाल कार म बईठ के गायब होगे किशोरी , पुलिस दर्ज करिस अपहरण के मामला

जय जोहार रायपुर…. राजधानी म किडनेपिंग के मामला लगातार आवत हे , बुधवार के एक किशोरी जेन नवमी कक्षा म अध्ययन करथे अचानक गायब होगे, परिजन मन ओखर गुम्सुदगी के शिकायत करे हे, पुलिस ह मौक़ा म जा के पड़ताल करिस त पता चलिस कि किशोरी ह एक लाल कार म बईठ के गिस हे पुलिस ह पता करत हे कि कोन परिस्थिति म किशोरी ह वो कार म गिस, बता दन कि राजधानी अऊ आसपास ले अब तक तीन लोगन मन लापता होगे हे ये पुलिस रिकॉर्ड म हे, लगातार अपहरण के मामला होय ले पुलिस के डर अपराधी मन ल नई हे तईसे लागथे.