मनरेगा इंजीनियर अऊ दू कर्मचारी के अपहरण.. निरीक्छन बर गे रिहिस नक्सली इलाका

दंतेवाड़ा। सड़क के निरीक्छन करे बर गे मनरेगा के एक इंजीनियर अऊ दू कर्मचारी के नक्सली मन अपहरण कर लिस। मामला जिला के अरनपुर के बताए जात हे जिहां नक्सली मन ह एमन ल बंधक बनाके रखे हे। हालांकि ए घटना के ए बेरा म अभी पुष्टि नई करे गे हे फेर काली रात ले ए मन ह गायब बताए जात हे।

ग्रामीण मनखे मन के कहना हे कि कल सड़क के निरिक्छन करे बर गे इंजीनियर, टेक्नीकल असिस्टेंट अऊ एक कर्मचारी ल वर्दीधारी नक्सली मन ह अपन संग ले गे। पुलिस ल ग्रामीण मन ह बताइस कि नक्सली मन ह ओमन ल अरनपुर के जंगल में राखे हाबे.. घटना के बाद ले दंतेवाडा जिला में दहसत के माहौल हे।