स्कॉर्पियो अउ पिकअप म जोरदार टक्कर, 39 लोगन मन घायल, 6 के हालत गंभीर

कोरिया। आज बिहनिया एक स्कॉर्पियो अउ पिकअप म आमने-सामने टक्कर हो गे। हादसा म दूनों वाहन म सवार गुरूजी अउ मजूदर समेत लगभग 39 लोगन मन घायल हो गे, जेमा 6 झन के हालत ल गंभीर बतात हे। ये घटना ह कोरिया जिला के केल्हारी म तुर्रा नदिया मे पास के आए।

जानकारी के मुताबिक एक ठन स्कॉर्पियो म गुरूजी मन ह सवार होके केल्हारी ले बैकुंठपुर के ओर जिला शिक्षा अधिकारी कार्यालय जात रिहिन। इही दउरान तुर्रा नदिया के पास खेत म रोपा लगाए बर मजदूर मन ल लेके जावत रिहिस पिकअप  अउ स्काॅर्पियों म आमने-सामने भिड़ंत हो गे। टक्कर अतेक जोरदार होईस कि दूनों गाड़ी म सवार लगभग 39 लोगन म घायल हो गे, जम्मो घायल मन के इलाज केल्हारी के स्वास्थ्य केंद्र म चलत हे।