AICC के प्रदेस प्रभारी पी.एल. पुनिया ह 30 मार्च के आही छत्तीसगढ़, कई ठीन कारीकरम म होही सामिल
जय जोहार । (AICC) अखिल भारतीय कांग्रेस कमेटी के छत्तीसगढ़ प्रभारी पी.एल. पुनिया ह 30 मार्च के छत्तीसगढ़ आही। छत्तीसगढ़ प्रभारी पुनिया ह मंझनिया 12.50 बजे लखनऊ ले रईपुर पहुँचही। एखर बाद सर्किट हाउस जाही।
राजीव भवन रईपुर म मंझनिया 2.30 बजे वरिष्ठ कांग्रेसजन के संग कांग्रेस सदस्यता अभियान अउ महंगाई मुक्त भारत अभियान के तैयारी के समीक्षा करही । एखर बाद संझा 4 बजे रईपुर ले खैरागढ़ बर रवाना होही । संझा 6.30 बजे खैरागढ़ पहुंचके 7 बजे खैरागढ़ विधानसभा उपचुनाव प्रचार-प्रसार के समीक्षा करही ।
अखिल भारतीय कांग्रेस कमेटी (AICC) के छत्तीसगढ़ प्रभारी पी.एल. पुनिया ह 31 मार्च के बिहनिया 9 बजे खैरागढ़ विधानसभा उपचुनाव के संबंध म वरिष्ठ कांग्रेसजन के संग बइठक लेही । बिहनिया 11 बजे महंगाई मुक्त भारत अभियान के तहत आयोजित कारीकरम म भाग लेही।
एखर बाद मंझनिया 12 बजे राजीव गांधी किसान न्याय योजना के वर्चुअल कारीकरम म भाग लेही। मंझनिया 1 बजे खैरागढ़ ले माना विमानतल रईपुर बर रवाना होही । मंझनिया 3.30 बजे माना विमानतल रईपुर पहुंचके 4.40 बजे रईपुर ले लखनऊ बर रवाना होही ।
