Flight: रईपुर ले इंदौर अउ प्रयागराज बर काली ले सुरु होही उड़ान सेवा, पढ़व

जय जोहर…. (Flight) प्रदेस के हवाई यात्री मन ल काली रविवार ले इंदौर अउ प्रयागराज बर फेर ले फ्लाइट मिलहि। बजट एयर लाइन्स इंडिगो ह करीबन 3 महीना बाद रईपुर ले 2 ठिन नवा फ्लाइट सुरु करे के शेडयूल जारी करे हे।

2 ठिन नवा उड़ान सुरु होय के संग प्रदेस के यात्री मन ल इंडिगो के 11 ठिन उड़ान (Flight) देस के प्रमुख सहर बर उपलबध होही। अब तक 5 सहर बर इंडिगो के 9 ठिन उड़ान के संचालन करे जावत रिहीन।

दिल्ली, मुंबई, बेंगलुरु, हैदराबाद अउ कोलकाता के बाद अब इंदौर अउ प्रयागराज बर फ्लाइट (Flight) के संचालन करे जाहि। कंपनी ह पहले ये दुनो उड़ान सेवा ल 17 जुलाई ले सुरु करे के शेडयूल जारी करे रिहीन। अब एला 18 जुलाई ले सुरु करे जाना प्रस्तावित हे।