जय जोहार…. वन ग्राम लोहझर -2 (करपीदादर) के आंगनबाड़ी केन्द्र ह कुपोसण ले मुक्त हो गे हे। ए केन्द्र म एक गम्भीर कुपोसित अउ दू मध्यम कुपोसित लईका रिहिस।
ए लईका मन के निगरानी, आंगनबाड़ी कार्यकर्ता अउ पर्यवेक्षक के मेहनत ले तीन महिना म ही सब्बो लईका ह सामान्य श्रेणी म आ गे हे। ए केन्द्र ह गरियाबन्द जिला म छुरा परियोजना के सेक्टर सोरिद के अंतर्गत वनांचल क्षेत्र म स्थित हे।
छुरा परियोजना सेक्टर के पर्यवेक्षक खिलेश्वरी साहू ह बताइस कि ए केन्द्र म छह माह ले तीन वर्ष के 14 लईका अउ तीन ले छह वर्ष के 15 लईका दर्ज हे।
ए केन्द्र म तीन कुपोसित लईका ल सामान्य श्रेणी म लाय बर सब ह एकजुट हो के सरलघा ए लईका मन म धियान केंद्रित करिस।
वो हा बताइस कि आंगनबाड़ी कार्यकर्ता अउ मितानिन के तरफ ले लईका मन के घर जा के सरलघा संपर्क करे गिस। ए दौरान लईका मन के देखभाल, साफ-सफाई अउ स्वास्थ्य के बारे म प्रदर्शन अउ समझाइश दे हे।
जेखर ले लईका मन के स्वास्थ्य म सुधार होय हे, अब तीनों लईका ह कुपोसण ले मुक्त हो गे हे।
