chhattisgarh : जनजातीय क्राफ्ट मेला ले प्रदेस के कलाकार अउ सिल्पकार मन ल मिलही लाभ: प्रेमसाय टेकाम

जय जोहार…. (chhattisgarh ) अनुसूचित जाति विकास मंत्री डॉ. प्रेमसाय टेकाम ह आज वीर जननायक बिरसा मुंडा के जयंती म रईपुर के हाट बाजार पंडरी म राज्य स्तरीय तीन दिवसीय जनजातीय क्राफ्ट मेला के सुभारम्भ करीन। वो हा किहीन कि ए मेला के आयोजन ले प्रदेस भर के कलाकार अउ सिल्पकार मन ल लाभ मिलही। छत्तीसगढ़ के पहचान देस-विदेस म पहुंचही अउ प्रदेस ल नवा पहचान मिलही।

आदिम जाति अनुसंधान अउ प्रसिक्षण नवा रायपुर डहार ले भारत सरकार जनजातीय कार्य मंत्रालय के सहयोग ले जनजातीय क्राफ्ट मेला के आयोजन ल 15 ले 17 नवम्बर तक करे जात हे। (chhattisgarh ) मंत्री डॉ. टेकाम ह मेला उद्घाटन के अवसर म आने आने स्टॉल के अवलोकन करीन अउ कलाकार-सिल्पकार मन के उत्साह बढ़ाइन हे।

वो हा किहीन कि देस ए घांव स्वतंत्रता दिवस के आजादी के अमृत महोत्सव मनावत हे। (chhattisgarh ) भारत के आजादी के 75 बच्छर होय म पूरा 75 हफ्ता तक उत्सव मनाये जाही। ए उत्सव के कारीकरम ह एक बच्छर पहले ले होवत हे अउ 15 अगस्त 2022 तक ये महोत्सव ल मनाये जाही।