छत्तीसगढ़ म ऑटो, टैक्सी अऊ ई-रिक्शा घलो बंद, आदेश होइस जारी

जय जोहार रायपुर। राज्य सरकार ह कोरोना के मद्देनजर एक बड़ा आदेश जारी करे हे। पूरा प्रदेश भर म गाड़ी मन म बैन लगा दे गे हे। परिवहन विभाग ह आदेश के मद्देनजर अब टैक्सी, ऑटो, ई-रिक्शा म घलो तत्काल प्रभाव ले बैन लगा दे हे। बता देन कि जनता कर्फ्यू के दौरान त सड़क ह शांत रहिस, लेकिन सोमवार ले सड़क म गाड़ी मन के परिचालन शुरू होगे रहिस।

लिहाजा परिवहन विभाग ह ए सख्त आदेश जारी करे हे। ए आदेश के बाद अब सड़क म टैक्सी, गाड़ी अऊ ई-रिक्शा ह 31 मार्च तक नई चलही। अभी एला 31 मार्च तक बर स्थगित करे गे हे। ए बाबत परिवहन विभाग ह सबो जिला मन के परिवहन अधिकारी अऊ क्षेत्रीय परिवहन अधिकारी ल आदेश जारी कर दे हे।