जय जोहार…. (Balakonagar) वेदांता समूह के कंपनी भारत एल्यूमिनियम कंपनी लिमिटेड (बालको) ल 46वां इंटरनेसनल कन्वेंसन ऑन क्वालिटी कंट्रोल सर्कल (आईसीक्यूसीसी) म उत्कृष्ट परियोजना बर छह ठीन पुरस्कार मिले हे। पांच टीम ल ‘पार एक्सीलेंस’ अउ एक टीम ल ‘एक्सीलेंस अवार्ड’ मिले हे। एखर आलावा बालको ल ‘वैल्यूएबल कॉन्ट्रिब्यूसन अवार्ड’ ले नवाजा गेहे।
फाउंड्री के चैतन्य टीम, बेकओवन के अनसीजर्स टीम, पॉटरूम के टाइटन टीम, एसआरएस के मोरेल टीम अउ रॉडिंग के बैक बेंचर्स टीम ह ‘पार एक्सीलेंस अवार्ड’ जीते हे। पॉटरूम के रूद्रम टीम ह ‘एक्सीलेंस अवार्ड’ हासिल करीन। हैदराबाद म क्वालिटी सर्कल फोरम ऑफ इंडिया डहार ले आयोजित सम्मेलन के थीम ‘क्वालिटी कॉन्सेप्ट्स फैसिलिटेटिंग सोसाइटल एंड इकोनॉमिक टर्नअराउण्ड’ रिहीन।
बालको के मुख्य कार्यकारी अधिकारी अउ निदेसक अभिजीत पति ने अंतरराष्ट्रीय कन्वेंसन म महत्वपूर्ण उपलब्धि बर बालको के क्वालिटी सर्कल टीम ल सुभकामना दीन हे। (Balakonagar) वो हा किहीन कि बालको ह अपन नवाचार ले उत्पादन, उत्पादकता अउ गुणवत्ता ल उत्कृष्ट बनाय बर प्रतिबद्ध हे। बालको ह अपन कर्मचारी मन बर अइसे वातावरण ल तैयार करे हे, जेखर ले ओमन ल व्यावसायिक चुनौती ले निपटे बर सरलग नवाचार के प्रेरणा मिलत हे।
वो हा किहीन कि क्यूसीएफआई ने देस म क्वालिटी सर्कल अभियान ल ऊंचाई दीन हे। एखर ले कर्मचारी के निर्णय क्षमता म प्रभावी बढ़ोत्तरी म मदद मिलत हे। अंतरराष्ट्रीय सम्मान ले बालको म कार्य करइया कई ठीन इकाई के क्वालिटी सर्कल टीम म नवा उत्साह के संचार होही। उपलब्धि के श्रेय ह बालको परिवार के हरेक सदस्य मन ल जात हे।
बालको कर्मचारी अउ ठेका कामगार मन के रचनात्मकता अउ उत्पादकता म बढ़ोत्तरी के उद्देश्य ले संयंत्र के कई ठीन इकाई म क्वालिटी सर्कल टीमे गठित करे गेहे। (Balakonagar) इहां कार्यस्थल म समस्या के निवारण बर सामूहिक रूप ले सही निर्णय लेने, कर्मचारी ससक्तिकरण अउ ओखर कौसल बढ़ोत्तरी के माध्यम हे। बालको म करीबन 8000 क्वालिटी सर्कल अउ काइजेन परियोजना ल क्रियान्वित करे गेहे।
Other Articles
chhattisgarh म कोरोना टीकाकरण के आंकड़ा तीन करोड़ ले होगे जादा, पढ़व
No Comment! Be the first one.