भूपेश के बड़का बयान, कहिन- चिटफंड अभिकर्ता मन हो ही रिहा

रायपुर: कांग्रेस प्रदेश कार्यालय राजीव भवन म अभिकर्ता सम्मेलन के दउरान भूपेश बघेल का बड़का बयान आघू आइस हे. बघेल ह चिटफंड मामला म सजा काटत अभिकर्ता मन ल जेल ले रिहा करे के बात कहिस हे.

मुख्यमंत्री भूपेश बघेल ह कहिन हे,  जतना भी चिटफंड कंपनी मन के अभिकर्ता मन के खेलाफ मामला चलत हे, ओला वापिस ले जाए के फइसला ले गेहे . संगेच उमन कहिन , जेन कंपनी मन ह इंखर  पइसा ल  लूटे हे ओखर ले कोनों तरह ले वापिस करे जाही. एमा  सरकार गंभीरता ले विचारत हवय.

शहीद होए जवान मन ल दीस श्रद्धांजलि

कांग्रेस प्रदेस कार्यालय राजीव भवन म अभिकर्ता सम्मेलन के आयोजन करे गे रहिस हे. जेमा मुख्यमंत्री भूपेश बघेल सामिल होए बर पहुंचिन. कार्यक्रम के दउरान उहां मउजूद सबो लोगन मन ह पुलवामा म शहीद होए जवान मन ल याद करत हुए 2 मिनट मउन हो के श्रद्धांजलि दीस.