अब नक्सलवाद के खात्मा होही! अमित शाह के अध्यक्षता म दिल्ली म 10 राज्य के मुख्यमंत्री मन के बैठक

नई दिल्ली। जम्मू-कस्मीर ले अनुच्छेद 370 हटाए के बाद केंद्र सरकार हा अब देस के दूसर सबले बड़े समस्या नक्सलवाद के खात्मा करे बर कमर कस ले हे। एकर बर गृहमंत्री अमित शाह के अध्यक्षता म सोमवार के नक्सल प्रभावित छत्तीसगढ़ सहित 10 राज्य के मुख्यमंत्री मन के बैठक होईस।

नई दिल्ली के विज्ञान भवन म आयोजित बैठक म छत्तीसगढ़ के मुख्यमंत्री भूपेस बघेल, झारखंड के मुख्यमंत्री रघुवर दास के अलावा उत्तर प्रदेस, बिहार, आंध्र प्रदेस, महारास्ट्र, तेलंगाना अउ मध्यप्रदेस के मुख्यमंत्री हा चर्चा करिन हें। नक्सलवाद के समस्या ले देस के कई राज्य जूझत हे। सबले जादा छत्तीसगढ़ पीड़ित हे।