मुख्यमंत्री बघेल के मां के हालत हे चिंताजनक, मेडिकल बुलेटिन जारी, अगला 24 घंटा हे बेहद महत्वपूर्ण

रायपुर। मुख्यमंत्री भूपेश बघेल के मां बिंदेश्वरी बघेल ल आज बिहनिया कुन सांस लेय म तकलीफ होइस, येखर बाद ओला तुरंत रामकृष्ण केयर अस्पताल ले जाय गिस, जिहां ओला कार्डियॉरेस्पिरेट्री अरेस्ट होइस। डॉक्टर मन ह तुरंत सीपीआर करिस अउ ओला वेंटिलेटर म ले लिस, जेखर बाद ओखर डायलिसिस घलो करिस हे। ओखर हालत ह चिंताजनक हे अउ जीवनरक्षक उपकरण म रखे गे हे।

रामकृष्ण केयर अस्पताल के डॉक्टर मन के टीम ह लगातार निगरानी करे के संगे संग इलाज घलो करत हे। ओला पहिली ले ही किडनी ले संबंधित रोग रिहिस हे, जेखर इलाज डॉक्टर मन के टीम के निगरानी म होवत रहिस। अस्पताल के डॉक्टर ह ओखर हालत ल चिंताजनक बतावथ हे अउ कहिन हे कि अगला 24 घंटा ह ओखर बर बेहद महत्वपूर्ण हे।