मुख्यमंत्री बघेल ह झारखंड बस हादसा म मउत बर शोक संवेदना व्यक्त करे हे

रायपुर। मुख्यमंत्री भूपेश बघेल ह झारखंड म होईस बस हादसा म जेन लोगन के मउत होगे ओखर परिवार के प्रति शोक संवेदना व्यक्त करे हे। संगे संग घायल मन के जल्द ही स्वास्थ्य लाभ के कामना घलो करे हे। घायल मन के इलाज म सहायता करे बर छत्तीसगढ़ ले अधिकारी मन के दल ल गढ़वा घलो भेजे गे हे।

अइसे जानकारी मिले हाबय कि छत्तीसगढ़ के अंबिकापुर ले गढ़वा जात रिहिस यात्री बस ह मंगलवार के बिहिनया 3 बजे गढ़वा जिला के घाटी में गिर गे, ये दर्दनाक हादसा म 6 लोग मन के मउत हो गे अउ 39 झन ह घायल हो गे, जेखर मन के इलाज ह रांची के अस्पताल म चलत हे।