प्रदेश कांग्रेस कमेटी के महामंत्री गिरीश देवांगन होइस 57 साल के , जन्मदिन म कांग्रेस भवन में लगिस बैनर पोस्टर अउ बधाई देवईया मन के तांता

प्रदेश कांग्रेस कमेटी के महामंत्री अउ मुख्यमंत्री के बेहद करीबी गिरीश देवांगन ह आज 57 साल के हो गे, ओखर जन्मदिन ल लेके कार्यकर्ता मन म उत्साह अउ खुशी देखत बनत रहीस। राजीव भवन के संगे संग रायपुर के जगह-जगह म ओला बधाई दे के बैनर पोस्टर लगाए गिस। कार्यकर्ता मन राजीव भवन आ के केक काटीस अउ गिरीश देवांगन ल बधाई दिन।

ये मउका म कांग्रेस संचार विभाग के अध्यक्ष शैलेश नितिन त्रिवेदी , प्रवक्ता धनंजय ठाकुर, सुशील आनंद शुक्ला अउ महेंद्र छाबड़ा मन घलोक गिरीश देवांगन ल बधाई दिन। मुख्यमंत्री अउ मंत्री मंडल के सब्बो मंत्री मन गिरीश देवांगन के दीर्घायु होय के शुभकामना दीन हावे।