“घर आघु बारी पाछू” पुस्तक के होइस विमोचन , पद्मश्री ममता चंद्राकर ह रिहिस मुख्य अतिथि

७५ कविता के संग्रह ले सजे पुस्तक “घर आघु  बारी पाछू” के विमोचन पद्मश्री ममता चंद्राकर ह करिस । ईहां दुष्यंत साहू अउ इंद्रदेव यदु के जन्मदिन मनाए गिस, सब्बो पहुना मन ये मौका म केक काटीस। ईहां ममता चंद्राकर अरपा पैरी के धार गीत ल गा के माहौल संगीतमय बना दिस।

तहां ले मीर अली मीर अउ रामेश्वर शर्मा मन घलोक अपन अपन कविता पाठ करिंन। ये कार्यक्रम म दुर्ग, धमधा अउ राजिम के कविमन अउ साहित्यकार मन घलोक सकलाए रिहीन। कार्यक्रम के उम्दा संचालन कवि चैंपेश्वर गोस्वामी ह करिस।