जम्मो कोति हार ले बौखला गे हे भाजपा, तभे करत हे आरोप प्रत्यारोप.. मोहन मरकाम

जय जोहार रायपुर..प्रदेश कांग्रेस कमेटी के अध्यक्ष मोहन मरकाम ह भाजपा के अध्यक्ष के आरोप ल निराधार बोलत हुए किहिस कि लगातार हार के सामना करत भाजपा ह निराश होगे हे तेखर सेती आरोप प्रत्यारोप करत हे.

जनता ह भाजपा ल अस्वीकार करे हे तेखरे परिणाम आय कि विधानसभा, लोकसभा अऊ नगरीय निकाय म ओला मुहं के खाय ल पड़े हे, मरकाम ह भाजपा के आरोप कि चुनाव म शासकीय तंत्र के उपयोग ल नकारत हुए किहिस कि चुनाव म निर्वाचन आयोग के नजर चप्पा चप्पा म रहीथे, सब प्रकिया अनुरूप होय हे.

भाजपा ल नसीहत देत हुए मरकाम ह किहिस कि जनादेश ल स्वीकार करना ही बुद्धिमता के निशानी हे.