बारह ले चौदह जनवरी तक होही युवा महोत्सव, मुख्य सचिव ह लिस बैठक

जय जोहार रायपुर.. राष्ट्रिय एकता,सामुदायिकता अऊ भाई चारा ल बढ़ावा दे के उद्देश्य ले राजधानी म राज्य युवा महोत्सव के आयोजन करे जाहि, तीन दिन तक छः हजार आठ सौ चौसठ प्रतिभागी एमा शामिल होही, जेमा आठ सौ इक्कीस प्रतियोगिता के आयोजन करे जाहि.

ये आयोजन साइंस कालेज, रविशंकर विश्व विद्यालय अऊ दीनदयाल उपाध्याय आडिटोरियम के संग अन्य स्थान मन म करे जाहि, आज तीन दिवशीय युवा महोत्सव ल ले के शासन के मुख्य सचिव ह अधिकारी मन के बैठक करिस अऊ विशेष दिशा निर्देश दिस

महोत्सव के शुभारम्भ राज्यपाल करही, सब्बो जगह ये मौका म प्रदर्शनी अऊ शैक्षणिक कार्यक्रम के संगे संग सांस्कृतिक कार्यक्रम घलो होही, मुख्य सचिव आर पी मंडल ह आगंतुक युवा मन के आय जाय अऊ रहे के समुचित व्यवस्था करे के निर्देश दे हे.