BJP रायपुर जिला ह काली करही प्रधानमंत्री नरेंद्र मोदी के जन्मदिवस म कई ठीन कार्यक्रम, पढ़व

जय जोहार। भाजपा (BJP) रायपुर जिला डहार ले काली देस के प्रधानमंत्री नरेंद्र मोदी के जन्मदिवस म कई ठीन कार्यक्रम के आयोजन करे जाही। भाजपा रायपुर जिला महामंत्री ओंकार बैस अउ रमेश सिंह ठाकुर ह बताइन कि काली बिहनिया 10:30 बजे ओखर व्यक्तित्व अउ कृतित्व म मैग्नेटो मॉल रायपुर म वृत्ति चित्र प्रदर्सनी के सुभारंभ करे जाही। एखर बाद बिहिनिया 11:00 बजे जय स्तंभ चौक म युवा मोर्चा डहार ले रक्तदान सिविर लगाए जाही

वोहा बताइन कि मंझनिया 12:00 बजे सबो मंडल म प्रधानमंत्री के जन्मदिन म कई ठीन सेवा काम के आयोजन करे जाही। एखर बाद संझा 4 बजे राष्ट्रीय अध्यक्ष जयप्रकाश नड्डा डहार ले प्रधानमंत्री के जन्मदिवस म कार्यकर्ता मन ल वर्चुअल संबोधित करही। जेला जिला कार्यालय एकात्म परिसर म सबो कार्यकर्ता सुनही।