चिटफंड भुगतान ल लेके भाजपा ह सरकार उपर साधिस निशाना

कहिन, साफ्टवेयर पहिली दिन ले ही हे ठप्प हवय अउ सरकार कुछु नइ करत हे
रायपुर। भारतीय जनता पार्टी ह प्रदेश सरकार ह पीएसीएल चिटफंड कंपनी के निवेशक मन के भुगतान के प्रक्रिया ठप होए ल लेके प्रदेश सरकार के कार्य प्रणाली म तंज कसिस हे.

भाजपा प्रदेश प्रवक्ता संजय श्रीवास्तव ह एक वक्तव्य म कहिन के, चिटफंड निवेशक मन के भुगतान कराए के शोर मचाइया प्रदेश सरकार के कामकाज के आलम ए हे के सेबी के भुगतान संबंधी आदेश आए के बाद घलो भुगतान सिरिफ एखर सेती नइ हो पात हे. काबर के पीएसीएल चिटफंड कंपनी के निवेशक मन बर बनाए गे वेबसाइट के सॉफ्टवेयर पहिली ही दिन ले ठप पड़े हवय । ए स्थिति न केवल रायपुर जिला म हे अपितु पूरा प्रदेशभर म हे.

उमन कहिन के, ए प्रदेश सरकार के विफलता के परिचायक हे। श्रीवास्तव ह कहिन के, ए स्थिति के चलत आलम ए हे के, निवेशक मन के एक आवेदन तक अपलोड नइ करे जा सकिस हे. एखर ले अउ निवेशक हैरान-परेशान होवत हवय. त दूसर कोती जिला अउ जनपद पंचायत म स्थापित केंद्र शो-पीस बनके रहि गे हे. वेबसाइट के खुलत ही बंद हो जाए के कारण 75 हजार ले अधिक निवेशक सशंकित हवय.