भाजपा ह चलाही सदस्यता अभियान, बनाही 11 लाख नवा सदस्य

रायपुर. भाजपा के सदस्यता अभियान ल आघू बढ़ाए बर सदस्यता अभियान के प्रदेश प्रभारी अउ सांसद संतोष पांडेय ह इतवार के रायपुर पहुंचिन अउ एकात्म परिसर म बइठक लेके भाजपा के सदस्य बनाए के बारे म बतईन हे. एखर बाद प्रेसवार्ता म पत्रकार मन ले कहिन कि मोदी के बढ़ती लोकप्रियता अउ कार्यकुशलता ल देख के प्रधानमंत्री नरेंद्र मोदी ह लोग मन के पसंद बन चुके हे. सदस्यता अभियान के माध्यम ले 11 लाख नवा सदस्य जोड़े के लक्क्ष हे. एक बूथ म कम से कम सौ सदस्य बनाए के लक्क्ष रखे गे हे. सदस्यता अभियान 11 अगस्त तक चलही. सदस्य बने के  बाद ओखर मन बर प्रशिक्षण कार्यक्रम घलो चलाए जाही. सदस्यता अभियान के बाद पार्टी के चुनाव होही. सदस्यता अभियान ल आघू बढ़ाए बर मध्यप्रदेश के पूर्व मुख्यमंत्री शिवराज सिंह चौहान ह 18 जुलई के छत्तीसगढ़ आवत हे.