जय जोहार रायपुर.. छत्तीसगढ़ी सिनेमा अभी जेन दौर ले गुजरत हे ओखर से सब वाकिफ हे, सतीश जैन के फिलिम के बाद बड़े बड़े स्टार मन के फिलिम फ्लॉप होगे, नवा साल आगे अऊ नवा साल म करन खान के फिलिम ससुराल लगिस, ठीक ठाक रिहिस लेकीन जतना उम्मीद रिहिस वतना व्यापार नई कर पाइस.
अभी एक फिलिम आने वाला हे जेखर नाम हे कहर, कहर एक थ्रिलर सस्पेंस फिलिम आय, संभवतः छत्तीसगढ़ी सिनेमा म पहिली बार अइसे विषय ल ले के फिलिम आवत हे.
निर्देशक एजाज वारसी ह बताइस कि बहुत कलाकार मन ये फिलिम म अभिनय करे हे अऊ अलग विषय ल ले के काम करे गे हे, खासबात ये हे कि ये फिलिम के कहानी वरिष्ठ पत्रकार अनिरुद्ध दुबे लिखे हे.
ये फिलिम अगर सफल होथे त फेर सब्बो झन इही रद्दा म चले ल लग जाहि अऊ शुरुवात करैय्या ल भूल जाहि, खैर ये फिलिम म विनोद कालानी, आहना, आज़म, संदीप, माहि, अमरजीत संधू , दिव्या यादव समेत दर्जनों कलाकार हे.
No Comment! Be the first one.