तान्हा जी ले सेंचुरी करही अजय देवगन, फूल और कांटे ले करे रिहिस फ़िल्मी शुरुवात

जय जोहार रायपुर..अजय देवगन के अवैय्या फिलिम तान्हा जी ह ओखर सौवां फिलिम होही, मतलब ये फिलिम ले अजय देवगन अपन फिलिमी सफर म सेंचुरी करही, बता दन कि तान्हा जी वीर शिवाजी के सेनापती के कहानी हे जेमा ओखर धर्म पत्नी के रोल करे हे काजोल.

अजय देवगन ह अपन फ़िल्मी सफर के शुरुवात फूल और कांटे फिलिम ले करे रिहिस, ओखर बाद अजय देवगन ह एक ले बढ़के एक सुपरहिट फिलिम दिस, अजय देवगन के क्रेज अतना आज भी हे कि ओखर प्रशंसक मन अपन बाल के स्टाइल अजय देवगन असन रखथे अऊ मुड़ी ल एक तरफ झुका के चलथे.

तान्हा जी के रोल के बारे में अजय देवगन ह कहे कि अइसे वीर अऊ भी राज्य म होय हे लेकिन जानकारी के आभाव म ऊंखर कहानी नंदा गे हे, अजय ह अऊ किहिस कि अगर तान्हा जी सफल होथे त अऊ राज्य के वीर मन ऊपर फिलिम बनाय जाही.