CM Bhupesh Baghel ह राजपुर म करीन घोसना, छत्तीसगढ़ सरकार ह 10वीं अउ 12वीं के परीक्षा म जिला म टॉप करइया विद्यार्थी मन ल कराही हेलीकॉप्टर राइड

जय जोहार। मुख्यमंत्री भूपेश बघेल (CM Bhupesh Baghel) ह आज बलरामपुर-रामानुजगंज जिला के राजपुर म आयोजित प्रेस वार्ता म 10वीं अउ 12वीं के परीक्षा म जिला म टॉप करइया विद्यार्थी मन ल हेलीकॉप्टर राइड कराय अउ गोबर खरीदी के बाद अब गौ मूत्र के खरीदी प्रारंभ करे के घोसना करीन । मुख्यमंत्री ह किहीन कि गौ मूत्र ले दवाई बनाय जाही , एखर ले महिला अउ ग्रामीण मन ल आय के एक ठीन अउ जरिया मिलही । जिला के टॉपर ह प्रदेस के टॉप टेन विद्यार्थी मन के संग हेलीकॉप्टर म घूमही ।

मुख्यमंत्री भूपेश बघेल (CM Bhupesh Baghel) ह किहीन कि 4 मई के मेहा सामरी विधानसभा क्षेत्र के भ्रमण के दउरान तीन ठीन आत्मानंद इंग्लिश माध्यम स्कूल के घलो निरीक्षण करे रहेव। ए स्कूल म विद्यार्थी मन ले बात करके मोला लगीन कि विद्यार्थी मन म बड़अकन प्रतिभा है, आवश्यकता हे त सिरिफ ओमन ल मजबूत प्रेरणा ल दे के ।

बड़अकन जल्दीच दसवी अउ बारहवीं कक्षा के परिणाम घोसित होवइया हे। मोला पूरा विश्वास हे कि अगर हमर मन के विद्यार्थी मन ल कोनो अनूठा प्रेरणा मिलही , कोनो अनूठा प्रतिफल निर्धारित होही त ओमन म सफलता अर्जित करे के अभिप्रेरणा के स्तर अउ घलो बाढ़ जाही ।