Raipur : मुख्यमंत्री भूपेश बघेल ह कृषि अभियांत्रिकी महाविद्यालय के नवा भवन के करीन लोकार्पण

जय जोहार। (Raipur) मुख्यमंत्री भूपेश बघेल ह आज राजधानी रायपुर ले लगे जोरा क्षेत्र म कृषि अभियांत्रिकी महाविद्यालय के नवा भवन के लोकार्पण करीन। ए दउरान मुख्यमंत्री श्री बघेल ह वर्चुअल क्लासरूम के अवलोकन करीन । उहें वो हा कृषि क्षेत्र म इस्तेमाल होवत नवा तकनीकों के बारे न मौजूद विशेषज्ञ ले जानकारी लीन ।

(Raipur) ए दउरान कृषि मंत्री रविन्द्र चौबे, मुख्यमंत्री के कृषि सलाहकार प्रदीप शर्मा, छत्तीसगढ़ कृषक कल्याण परिषद के अध्यक्ष सुरेन्द्र शर्मा, छत्तीसगढ़ बीज निगम के अध्यक्ष अग्नि चंद्राकर, शाकम्भरी बोर्ड के अध्यक्ष रामकुमार पटेल, विधायक अनिता योगेन्द्र शर्मा, रायपुर जिला पंचायत के अध्यक्ष डोमेश्वरी वर्मा, कृषि उत्पादन आयुक्त कमलप्रीत सिंह, इंदिरा गांधी कृषि विश्वविद्यालय के कुलपति डॉ. गिरीश चंदेल उपस्थित रिहीन।

गौरतलब हे कि अब तक कृषि अभियांत्रिकी महाविद्यालय प्रौद्योगिकी महाविद्यालय के भवन म संचालित होवत रिहीस । (Raipur) इंदिरा गांधी कृषि विश्वविद्यालय के तीर ही 5430 वर्ग मीटर क्षेत्रफल म 6.23 करोड़ रुपिया के लागत ले कृषि अभियांत्रिकी महाविद्यालय बर नवा भवन के निर्माण करे गेहे । ए नवनिर्मित भवन म 8 क्लास रूम, 1 मॉडर्न वर्चुअल क्लासरूम, 11 लैबोरेटरी, 2 कॉन्फ्रेंस हॉल, 400 वर्ग मीटर म वर्कशॉप के संग प्रशासनिक खंड घलो हे ।