chhattisgarh ल काली मिलही बेस्ट इनलैंड स्टेट अउ बेस्ट प्रोप्राइटरी फर्म के राष्ट्रीय पुरस्कार, पढ़व

जय जोहार । (chhattisgarh) छत्तीसगढ़ राज्य ल काली विश्व मत्स्यिकी दिवस के अवसर म मत्स्य पालन के क्षेत्र म ‘बेस्ट इनलैंड स्टेट‘ अउ धमतरी जिला के बगौद गांव के भारत बाला एक्वाकल्चर ल ‘बेस्ट प्रोप्राइटरी फर्म‘ के राष्ट्रीय पुरस्कार मिलही । राष्ट्रीय मात्स्यिकी विकास बोर्ड डहार ले राष्ट्रीय पुरस्कार दे जाय के ये कार्यक्रम स्वामी विवेकानंद ऑडिटोरियम दुनेथा दमन म आयोजित करे गेहे ।

ए दउरान केन्द्रीय मंत्री पुरषोत्तम रूपाला, केन्द्रीय राज्य मंत्री डॉ. संजीव कुमार बालयाण, राज्य मंत्री डॉ. एल.मुरूगन समेत दूसर अतिथि के मौजूदगी म छत्तीसगढ़ (chhattisgarh) राज्य ल ‘बेस्ट इनलैंड स्टेट‘ अवार्ड सम्मान के रूप म 10 लाख रुपिया के पुरस्कार अउ स्मृति चिन्ह भेंटकर सम्मानित करे जाही । ए मउका म छत्तीसगढ़ राज्य के धमतरी जिला के बगौद गांव के मत्स्य पालन फर्म भारत बाला एक्वाकल्चर ल ‘बेस्ट प्रोप्राइटरी फर्म‘ के रूप म दो लाख रुपिया के पुरस्कार अउ स्मृति चिन्ह प्रदान कर के सम्मानित करे जाही।

मुख्यमंत्री भूपेश बघेल, कृषि मंत्री रविन्द्र चौबे ह मत्स्य पालन के क्षेत्र म छत्तीसगढ़ राज्य ल राष्ट्रीय स्तर के संग दू ठीन सम्मान मिले म प्रसन्नता जताइन हे अउ विभाग के अधिकारी -कर्मचारी समेत मत्स्य पालन के क्षेत्र ले जुड़े सबो मनखे मन ल बधाई दीन हे ।