godhan nyay yojana : सीएम ह करीन हितग्राही मन ल 7 करोड़ ले जादा के रकम अंतरित, पढ़व

जय जोहार। (godhan nyay yojana ) मुख्यमंत्री भूपेश बघेल ह राजधानी स्थित अपन निवास कार्यालय म गोधन न्याय योजना के तहत कार्यक्रम म हितग्राही मन ल 56वां क़िस्त के रूप म ऑनलाइन कुल 7 करोड़ 14 लाख रुपिया के रासि के अंतरण करीन । एमा गोबर विक्रेता ल 4.55 करोड़ रुपिया , गौठान समिति ल 1.17 करोड़ रुपिया अउ स्व-सहायता समूह ल 1.42 करोड़ रुपिया के लाभांस रासि सामिल हे।

मुख्यमंत्री श्री बघेल ह गोधन न्याय योजना (godhan nyay yojana ) के तहत रासि के वितरण करत हुए खुसी व्यक्त करीन कि राज्य म गोधन न्याय योजना के अंतर्गत संचालित 9 हजार गौठानों म ले अब तक 4 हजार ले जादा गौठान ह पूरा स्वावलंबी बन गेहे , जेन स्वयं के रासि ले गोबर खरीदे म सक्षम हो गेहे , ये योजना के उल्लेखनीय अउ एक ठीन महत्वपूर्ण परिणाम हे ।

मुख्यमंत्री श्री बघेल ह किहीन कि प्रदेस म राज्य सरकार डहार ले संचालित गोधन न्याय योजना के तहत गोबर खरीदी के आंकड़ा सरलग बढ़त हे । एखर ले हितग्राही मन ल काफी लाभ होय ल लगीन हे अउ आत्मनिर्भरता हे डहार तेजी ले कदम बढ़ात हे । संगेसंग एखर ले गांव के अर्थव्यवस्था ल मजबूती मिले ल लगे हे ।