chhattisgarh : सीएम ह नवगठित 10 राजस्व अनुविभाग अउ 25 तहसील के करीन उद्घाटन, पढ़व

जय जोहार । (chhattisgarh) मुख्यमंत्री भूपेश बघेल ह अपन निवास कार्यालय म आयोजित वर्चुअल कार्यक्रम म प्रदेस म नवगठित 10 राजस्व अनुविभाग अउ 25 नवा तहसील के उद्घाटन करीन । कार्यक्रम म मुख्यमंत्री ह नवा अनुविभाग तिल्दा नेवरा, बागबाहरा, मालखरौदा, धमधा, बलरामपुर, राजपुर, भरतपुर, खड़गवां, भोपालपट्नम अउ भैरमगढ़ के उद्घाटन करीन । ए अनुविभाग के उद्घाटन के बाद प्रदेस म 108 अनुविभाग होंही ।

(chhattisgarh) मुख्यमंत्री ह कार्यक्रम म 25 नवा तहसील मंदिरहसौद, धरसींवा, बेलरगांव, कोमाखान, सोनाखान, टुण्डरा, अमलीपदर, बेलतरा, जरहागांव, दीपका, मुकड़ेगा, कोटाडोल, पोड़ी (बचरा), औंधी, खड़गांव, साल्हेवारा, लालबहादुर नगर, मर्री बंगला (देवरी), देवकर, भिंभौरी, नानगुर, भानपुरी, तोंगपाल, मर्दापाल, धनोरा के उद्घाटन करीन । ए तहसील के उद्घाटन के बाद प्रदेस म तहसील के संख्या बढ़के 227 हो जाही ।

मुख्यमंत्री ह किहीन कि नवा अनुविभाग अउ तहसील के स्थापना ले (chhattisgarh) राज्य के सबो नागरिक ल लाभ पहुंचही , संगेसंग सासकीय योजना के सुचारू रूप ले क्रियान्वयन अउ प्रसासकीय कामकाज म कसावट लाय म सुविधा होही , सासन के योजना अउ मूलभूत सुविधाआम जनता ल आसानी ले उपलब्ध होही । विकास के रफ्तार घलो बढ़ही ।