CM Bhupesh Baghel ह 26 अप्रैल के रायपुर दक्षिण विधानसभा म मनखे मन ले करही भेंट-मुलाकात
जय जोहार। सीएम भूपेश बघेल (CM Bhupesh Baghel) ह 26 अप्रैल के रायपुर दक्षिण विधानसभा क्षेत्र म मनखे मन ले भेंट-मुलाकात करही। ए दउरान सीएम ह कई ठन विकास काम के लोकार्पण कार्यक्रम म सामिल होही । मुख्यमंत्री ह सासन के योजना अउ कार्यक्रम के क्रियान्वयन के बारे म जनता ले फीडबैक ले के संग ही जनसमस्या अउ मांग के बारे म घलो जानकारी लेही ।
निर्धारित कार्यक्रम के अनुसार मुख्यमंत्री भूपेश बघेल ह बिहनिया 11.35 बजे कटोरा तालाब के सत्पथी चौक म स्वर्गीय लक्ष्मण सत्पथी के प्रतिमा के अनावरण करही । एखर बाद सीएम ह 11.50 बजे पुरानी बस्ती म जैतूसाव मठ अउ ऐतिहासिक स्थल के भ्रमण अउ पुरानी बावली वाले हनुमान मंदिर के दर्शन करही । मुख्यमंत्री ह मंझनिया 12.10 बजे कंकाली तालाब के सौन्दर्यीकरण काम के लोकर्पण करही ।
मुख्यमंत्री श्री बघेल ह मंझनिया 12.25 बजे बुढ़ापारा स्थित नगर निगम खेल मैदान म मनखे मन ले भेंट-मुलाकात अउ संवाद करही । मुख्यमंत्री ह ए मउका म नवा योजना के शिलालेख के अनावरण करही । मुख्यमंत्री ह मंझनिया 2.30 बजे भाठागांव स्थित फिल्टर प्लांट के नवनिर्मित 80 एमएलडी एसटीपी के लोकार्पण करही । मुख्यमंत्री ह मंझनिया 2.45 बजे बुढ़ापारा स्थित माधवराव सप्रे स्कूल के शाला भवन म हॉल, लैब निर्माण अउ पुनर्विकास काम के लोकार्पण करही अउ विभिन्न प्रतिनिधिमंडल ले मुलाकात करही ।
