CM Bhupesh Baghel ह देस के पहिली रुरल इंडस्ट्रियल पार्क के करीन लोकार्पण

जय जोहार। सीएम भूपेश बघेल (CM Bhupesh Baghel) ह गणतंत्र दिवस म बस्तर जिला के तुरेनार म देस के पहिली रुरल इंडस्ट्रियल पार्क (RIPA) के लोकार्पण करीन। ग्रामीण मन के स्वरोजगार बर इंहा पांच एकड़ म 20 वर्किंग शेड बनाए गेहे जेमा ले 18 शेड म अभी 337 मनखे मन काम करत हे। वर्किंग शेड के संग ही इंहा प्रसिक्षण केन्द्र अउ आवासीय प्रसिक्षण बर प्रसिक्षु मन बर आवासीय परिसर घलो बनाए गेहे ।

सीएम भूपेश बघेल ह ए पार्क के लोकार्पण के बाद हरेक एक शेड म जाके संचालित गतिविधि ल देखीन अउ स्वरोजगार म लगे महिला मन ले बात कर ओखर काम के जानकारी लीन। वोहा ‘रीपा’ परिसर म आयोजित लोकार्पण कार्यक्रम अउ किसान मेला म बताइन कि प्रदेस भर म अइसनहे 300 रुरल इंडस्ट्रियल पार्क बनाए जावत हे। रोजगार के मउका बढ़ाय बर हरेक विकासखंड म दू-दू ठीन ‘रीपा’ तईयार करे जावत हे।

लोकार्पण कार्यक्रम म सीएम भूपेश बघेल ह किहीन कि आज तुरेनार म छत्तीसगढ़ के ही नई , बल्कि देस के पहिली रुरल इंडस्ट्रियल पार्क के सुभारंभ होवत । बस्तर म बड़ अकन ले कीमती वनोपज मौजूद हे । जेन चीज दुनिया म कहीं नई मिलत, वो बस्तर म मिलत हे । लघु वनोपज के संग्रहण के संग ही एखर प्रसंस्करण अउ मूल्य संवर्धन ले स्थानीय मनखे मन के जादा कमाई होवत हे ।