CM Bhupesh Baghel ह जगदलपुर म ‘अमर वाटिका’ के करीन लोकार्पण

जय जोहार। सीएम भूपेश बघेल (CM Bhupesh Baghel) ह गणतंत्र दिवस के अवसर म छत्तीसगढ़ के जगदलपुर म इंडिया गेट के तर्ज म विकसित करे गे अमर वाटिका के लोकार्पण करीन।

सीएम भूपेश बघेल (CM Bhupesh Baghel) ह बस्तर के शांति बर अपन प्राण के आहुति देवइया अमर शहीद जवान ल अमर वाटिका के शहीद स्मारक म पुष्प चक्र अर्पित कर श्रद्धांजलि दीन । अमर वाटिका म करीबन 60 फीट ऊंचा शहीद स्मारक बनाए गेहे। शहीद स्मारक के तीर एक काला ग्रेनाइट के दीवार म नक्सली मुठभेड़ म शहीद हुए जवान के नाव लिखे गेहे । मुख्यमंत्री ह शहीद के परिजन ल शॉल, श्रीफल भेंट कर सम्मानित करीन अउ शहीद के याद म वाटिका म नारियल के पौधा रोपे हे ।

मुख्यमंत्री ह अमर वाटिका म निर्मित ‘माटा लोना’ (संवाद गृह) म लईका मन डहार ले बदलत बस्तर के थीम म प्रस्तुत करे गे नृत्य नाटिका के अवलोकन करीन अउ लईका मन के प्रभावी प्रस्तुति के सराहना करीन। मुख्यमंत्री ह ए अवसर म किहीन कि पिछले 4 बछर म राज्य सरकार के योजना अउ कार्यक्रम के माध्यम ले जनता के विश्वास अर्जित करे म सफलता मिले हे। नक्सली घटना म 65 प्रतिशत के कमी आए हे।