chhattisgarh : मुख्यमंत्री ह कुंजेमुरा म हनुमान मंदिर म करीन पूजा-अर्चना, मंदिर परिसर म लगाइन हे कदम्ब के पौधा

जय जोहार। (chhattisgarh) मुख्यमंत्री भूपेश बघेल ह अपन प्रदेस व्यापी भेंट-मुलाकात के क्रम म आज बिलासपुर संभाग के अंतर्गत रायगढ़ जिला के विधानसभा क्षेत्र लैलूंगा, विकासखंड तमनार के ग्राम कुंजेमुरा म श्री हनुमान मंदिर दर्शन बर पहुँचीन । वोहा कुंजेमुरा म भेंट-मुलाक़ात ले पहले प्रभु श्री हनुमान के दर्शन अउ पारंपरिक विधि-विधान ले पूजा-अर्चना करीन अउ सबो प्रदेश वासी मन के सुख, समृद्धि के कामना करीन ।

मुख्यमंत्री भूपेश बघेल ह प्रभु श्री हनुमान के दर्शन अउ पूजन-अर्चना के बाद मंदिर परिसर म कदम्ब का पौधा लगाइन हे अउ ओला पानी सींचत हुये हरियाली अउ पर्यावरण संरक्षण के संदेश प्रेषित करीन । अइसने आदिम जाति अउ अनुसूचित जाति विकास पिछड़ वर्ग मंत्री डा. प्रेमसाय टेकाम ह आंवला के पौधा, विधायक लैलूंगा चक्रधार सिंह सिदार ह नीम, सरपंच ग्राम पंचायत कुंजेमुरा जयपाल भगत ह कदंब, कलेक्टर रायगढ रानू साहू ह आंवला के पौधा लगाइन हे ।