Raipur : मुख्यमंत्री ह लाला लाजपत राय के पुण्यतिथि म करीन नमन
जय जोहार । (Raipur) मुख्यमंत्री भूपेश बघेल ह स्वतंत्रता संग्राम सेनानी लाला लाजपत राय के पुण्यतिथि 17 नवम्बर म ओमन ल नमन करीन हे । वो हा किहीन कि स्वाधीनता आंदोलन ल दिसा देवइया तीन प्रमुख नेता लाल-बाल-पाल म के लाला लाजपत राय ह एक झन रिहीन, ओमन ल पंजाब केसरी के नाव ले घलो जाने जात हे ।
साइमन कमीशन के विरोध के दउरान हुए लाठी-चार्ज म घायल होय म लाला जी ह कहे रिहीन कि मोर शरीर म पड़े एक-एक लाठी ब्रिटिश सरकार के ताबूत म एक एक कील के काम करही। ओखर कहे बात सही साबित होइन अउ लाला जी के बलिदान ह मनखे मन के दिल म आजादी के ललक अउ बढ़ा दीन।
स्वाधीनता आंदोलन ल गति दे के संग लाला जी ह हिन्दी भाखा ल देस म लागू करे ल अउ ओखर प्रचार-प्रसार म घलो महत्वपूर्ण भूमिका निभाईन। मुख्यमंत्री ह किहीन कि भारतीय स्वतंत्रता संग्राम के अमर शहीद लाला लाजपत राय के देस सदैव ऋणी रही ।
