chhattisgarh : मुख्यमंत्री ह वामन बलिराम राव लाखे के जयंती म करीन नमन

जय जोहार । (chhattisgarh ) मुख्यमंत्री भूपेश बघेल ह आज मुख्यमंत्री निवास म छत्तीसगढ़ के प्रसिद्ध स्वतंत्रता संग्राम सेनानी स्वर्गीय वामन बलिराम लाखे के जयंती म ओखर छाया चित्र म पुष्प अर्पित कर ओमन ल नमन करीन । ए अवसर म नगरीय प्रसासन अउ विकास मंत्री डॉ.शिवकुमार डहरिया घलो उपस्थित रिहीन ।

गौरतलब हे कि स्वर्गीय पंडित वामनराव लाखे ह किसान मन के आर्थिक सुदृढ़ता अउ सहकारी संगठन के मजबूती बर जीवन पर्यन्त कार्य करत रिहीन । ओमन छत्तीसगढ़ म सहकारिता के जनक के रूप म जाने जात हे । ओखर परयास ले ही रायपुर म पहला सहकारी बैंक के स्थापना होइन । सहकारिता के क्षेत्र म करे ओखर परयास के लाभ आज प्रदेस म लाखो किसान मन ल मिलत हे । लाखे जी ह छत्तीसगढ़ म स्वतंत्रता संग्राम के दउरान जनजागरण म घलो महत्वपूर्ण भूमिका निभाईन अउ कई ठीन आंदोलन के नेतृत्व करीन ।