chhattisgarh : मुख्यमंत्री ह वामनराव लाखे के जयंती म करीन याद

जय जोहार । (chhattisgarh ) मुख्यमंत्री भूपेश बघेल ह स्वतंत्रता संग्राम सेनानी स्वर्गीय पंडित वामनराव लाखे के 17 सितम्बर के जयंती म ओमन ल नमन करीन हे । छत्तीसगढ़ बर श्री लाखे के अमूल्य योगदान ल याद करत हुए मुख्यमंत्री ह किहीन कि लाखे जी किसान मन के आर्थिक सुदृढ़ता अउ सहकारी संगठन के मजबूती बर जीवन पर्यन्त काम करत रिहीन ।

लाखे जी छत्तीसगढ़ (chhattisgarh ) म सहकारिता के जनक के रूप म जाने जात हे । ओखर परयास ले ही रायपुर म पहला सहकारी बैंक के स्थापना होइन। सहकारिता के क्षेत्र म करे ओखर परयास के लाभ आज प्रदेस म लाखो किसान मन ल मिलत हे।

सीएम श्री बघेल ह किहीन कि लाखे जी ह छत्तीसगढ़ (chhattisgarh ) म स्वतंत्रता संग्राम के दउरान जनजागरण म घलो महत्वपूर्ण भूमिका निभाईन अउ कई ठीन आंदोलन के नेतृत्व करीन । छत्तीसगढ़ के पहला मासिक पत्रिका के प्रकासन कर वोहा इहां पत्रकारिता के बुनियाद रखीन । राष्ट्रीय चेतना के विकास म ए पत्रिका ह प्रमुख भूमिका निभाईन ।