Chief Minister Slum Health Scheme : 49 लाख ले जादा मनखे मन ल मिलिस घर के तीर ही मुफत इलाज के सुविधा
जय जोहार । मुख्यमंत्री भूपेश बघेल के पहल म छत्तीसगढ़ के शहरी क्षेत्र के स्लम बस्ती म रहवइया गरीब परिवार मन ल मुफत उपचार के सुविधा दे जावत हे । ए योजना के माध्यम ले अब तक 49 लाख 5 हजार 123 मनखे मन ल इलाज के सुविधा मिलिस हे ।
मुख्यमंत्री शहरी स्लम स्वास्थ्य योजना के तहत अब पूरा राज्य के नगरीय क्षेत्र के स्लम बस्ती म चिकित्सक, पैरामेडिकल टीम, मेडिकल उपकरण अउ दवा ले लैस 120 मोबाइल मेडिकल यूनिट पहुंचके मनखे मन ल स्वास्थ्य सुविधा उपलब्ध करावत हे । ए योजना के माध्यम ले अब तक 12 लाख 94 हजार 263 मरीज मन के पैथालॉजी टेस्ट करे जा चुके हे । संग ही 42 लाख 6 हजार 604 ले जादा मरीज मन ल मुफत दवा घलो दे गेहे । नगरीय प्रशासन अउ विकास विभाग कोती ले संचालित ए योजना म अब तक राज्य के 169 नगरीय निकाय के स्लम बस्ती म उपचार बर 64 हजार 507 कैम्प लगाए जा चुके हे ।
गौरतलब हे कि राज्य के 14 नगर निगम क्षेत्र के स्लम बस्ती म रहवइया मनखे मन ल स्वास्थ्य सुविधा मुहैया कराए बर मुख्यमंत्री शहरी स्लम स्वास्थ्य योजना के प्रथम चरण के शुरूआत 01 नवम्बर 2020 के होए रिहिस। । एखर तहत 60 मोबाइल मेडिकल यूनिट कोती ले स्लम बस्ती म जाके मनखे मन के स्वास्थ्य परीक्षण, उपचार अउ दवा वितरण के शुरूआत करे गे रिहिस । 31 मार्च 2022 के एखर विस्तार पूरा राज्य के सबो नगरीय निकाय क्षेत्र म करे गीस । जेखर ले शहरी क्षेत्र के गरीब अउ जरूरतमंद मनखे मन ल ओखर घर के तीर ही स्वास्थ्य सुविधा मिलही ।
