Cambodia म राम ह हर दिल म बसते हे , रामायण ल इहां नृत्य के रूप म दर्शाए जात हे
रायपुर। भारत ले करीबन 4500 किमी दूर स्थित देश कम्बोडिया म विश्व के सबले बड़का विशाल अंगकोर वाट (विष्णु) मंदिर हे । इहां के संस्कृति म भगवान राम घर-घर अउ मनखे मन के दिल म बसत हे , इहां राम ल हर आम आदमी के कहानी ले जोड़के देखे जात हे ।
कम्बोडिया ले पहुंचीन 12 सदस्यीय टीम ह बताइन कि इहां जइसने भगवान राम ल पूजत हे , उहां घलो राम के मान्यता हे , हमर मन के इहां राम ल रिमकर के नाव ले जाने जात हे । ये एक कम्बोडियन महाकाव्य ले उद्घृत कविता हे जेन संस्कृत के रामायण ले प्रेरित हे । रिमकर यानी राम के महिमा होत हे । कम्बोडिया म घलो सरकार ह इहां के कला अउ संस्कृति ल प्रोत्साहित करथे । इहां भगवान के कहानी ल आम मनखे मन ले जोड़के दिखाए जात हे । कम्बोडिया ले आए रामकथा के एक कलाकार ह बताइन कि ए तरह के प्रस्तुति दे ल पहली घांव भारत आए हन , लेकिन एखर पूर्व वे पारिवारिक यात्रा म भारत आ चुके हे ।
अंतराष्ट्रीय रामायण महोत्सव म शुभारंभ अवसर म 1 जून के कम्बोडिया के अंतरराष्ट्रीय रामायण टीम ह अपन मनमोहक प्रस्तुति दे रिहिस थी। आकर्षक वेशभूषा के संग 25 मिनट के प्रस्तुति के दउरान टीम ह दर्शक मन के दिल जीत लीन । कम्बोडिया रामायण टीम कोती ले अहिरावण प्रसंग के संगीतमय प्रस्तुति करे गीस। ए प्रसंग म रावण के भाई अहिरावण ह राम ल मूर्छित कर पाताल लोक ले जात हे । तब हनुमान ह राम ल लाए ल पाताललोक जात हे , जिहां ओखर सामना अपन ही पुत्र मकरध्वज ले होत हे । युद्ध म दूनों के लड़ाई होत हे , लेकिन एमा कोनो जीत या हार नई होत। अंत म हनुमान ह राम ल वापस लात हे ।
