मुख्यमंत्री विष्णु देव साय ह भगवान झूलेलाल के पूजा-अर्चना करके राज्य के खुशहाली अउ समृद्धि के कामना करिन
रायपुर। मुख्यमंत्री विष्णुदेव साय ह बिलासपुर के चकरभाठा म पूज्य सिंधु समाज के आयोजित चालिहा महोत्सव म शामिल होइस। ओमन ह भगवान झूलेलाल के पूजा-अर्चना करके छत्तीसगढ़ राज्य के सुख समृद्धि अउ खुशहाली के कामना करिन। ओमन ह ए अवसर म पूज्य सिंधु अमरनाथ आश्रम के संत सांई लाल दास साहेब ल नमन करत ओखर अभिनंदन करिन। CM साय ह कहिन कि पूज्य संत लाल दास ह 40 दिन के उपवास रखे हे, ताकि प्रदेश म खुशहाली आए। तप, पूजा पाठ इही हम सबके ताकत हे। वरुण अवतार भगवान झूलेलाल जी के अवतरण घलो 40 दिन के सामूहिक तप के बाद होइस। साईं लाल दास साहेब उही परम्परा ल आघु बढ़ात हे। सिंधी समाज धर्म प्रेमी सेवा भावी समाज हे। ए अवसर म विधायक धरम लाल कौशिक, अमर अग्रवाल सहित श्रद्धालु अउ गणमान्य नागरिक बड़का संख्या म उपस्थित रहिन।
मुख्यमंत्री विष्णुदेव साय ह कहिन कि सिंधी समाज के लोगन मन शिक्षित, समृद्ध अउ सेवाभावी होथे। अधिकांश समय ओमन समाज सेवा के काम म लगे रथे। अपन पुरूषार्थ के बल म ओमन देश म अच्छा मुकाम हासिल करे हे। मुख्यमंत्री ह कहिन कि सिंधी समाज ह देश के विभाजन के विभीषिका ल झेले हे। अनेक कष्ट उठाए के बावजूद सिंधी समाज के मन हार नइ मानिन अउ अपन जीवटता अउ आपसी सहयोग के बदौलत तरक्की के रद्दा म आज घलो निरंतर अग्रसर हे।
विधायक धरमलाल कौशिक ह कार्यक्रम ल सम्बोधित करत कहिन कि चकरभाठा स्थित पूज्य सिंधु अमर धाम के चालिहा उत्सव म देश-विदेश ले श्रद्धालु आवत हे। उखर सेवा भाव देखे के योग्य होथे। इहां आयोजित चिकित्सा शिविर म नामी-गिरामी चिकित्सक स्व-स्फूर्त रूप ले अपन सेवा देवत हे। अमित चिमनानी ह स्वागत भाषण दिस। ओ ह किहिस कि पूज्य संत लाल दास साहेब के तप छत्तीसगढ़ के लोगन के जीवन म खुशहाली लाहि। ए अवसर म संभागायुक्त महादेव कावरे, कलेक्टर अवनीश शरण, एसपी रजनेश सिंह, रामू रोहरा सहित बड़का संख्या म सिंधी समाज के श्रद्धालु अउ गणमान्य नागरिक उत्सव म शामिल होइस।
