केंद्रीय मंत्री शिवराज सिंह चौहान दुर्ग म आयोजित मोर आवास मोर अधिकार कार्यक्रम म होहि शामिल

रायपुर। केंद्रीय मंत्री शिवराज सिंह चौहान दुर्ग के नगपुरा म काली सुबह 11 बजे ले आयोजित मोर आवास मोर अधिकार कार्यक्रम म शामिल होंहि। ए बेर मुख्य अतिथि चौहान प्रधानमंत्री आवास योजना ग्रामीण अउ पीएम जनमन के आवास हितग्राहि मन ल खुशी के चाबी देहि। ए बेर रूरल मेसन प्रशिक्षणार्थी मन ल सामग्री के वितरण, उत्कृष्ट काम करइया ग्राम पंचायत, जनपद पंचायत अउ स्वयं सेवी संस्था ल पुरुस्कृत, व्यक्तिगत शौचालय के हितग्राहि मन ल प्रोत्साहन राशि, स्वच्छाग्राही स्वच्छता समूह ल सम्मान अउ स्वच्छता किट के वितरण, समूह ल बैंक लिंकेज अउ डेमो चेक वितरण, ड्रोन दीदी मन ल प्रशस्ति पत्र वितरण, लखपती दीदी ल प्रशस्ति पत्र अउ स्वामित्व योजना अधिकार अभिलेख वितरण करे जाहि।

कार्यक्रम के अध्यक्षता मुख्यमंत्री विष्णुदेव साय, अति विशिष्ट अतिथि विधानसभा अध्यक्ष डॉ रमन सिंह, उपमुख्यमंत्री विजय शर्मा, उपमुख्यमंत्री अरुण साव, विशिष्ट अतिथि वन मंत्री केदार कश्यप, कृषि मंत्री रामविचार नेताम, खाद्य मंत्री दयाल दास बघेल, स्वास्थ्य मंत्री श्याम बिहारी जायसवाल, सांसद दुर्ग विजय बघेल, विधायक जगदलपुर किरण देव सिंह, विधायक दुर्ग ग्रामीण ललित चन्द्राकर, विधायक दुर्ग शहरी गजेन्द्र यादव, विधायक अहिवारा डोमनलाल कोर्सेवाड़ा, विधायक वैशाली नगर  रिकेश सेन, विधायक साजा ईश्वर साहू शामिल होहि।