बस्तर जिला पत्रकार संघ के शपथ ग्रहण समारोह म शामिल होइस मुख्यमंत्री विष्णुदेव साय, पदाधिकारी मन ल दिलाइस शपथ
रायपुर। मुख्यमंत्री विष्णुदेव साय ह आज बस्तर जिला पत्रकार संघ के नव निर्वाचित पदाधिकारी मन के शपथ ग्रहण समारोह म शामिल होइस, जेला संबोधित करत, ओहा कहिन कि जब मे नवा बछर म अखबार पढ़त रेहेव त समाचारपत्र के मुख्य पृष्ठ म बस्तर सुर्खी म रिहीन। ए सुर्खी कोनो माओवादी हिंसा ल लेके नई रिहीस, ए सुर्खी बस्तर म पहुंचे विकास के उजाले ल लेके रिहीस। बस्तर ले माओवादी आतंक अब सिमट गे हे। बस्तर के पहचान अब बदल गे हे। ओमन किहिन कि बस्तर के अपन चुनौती हे अउ ए चुनौती भरा माहौल म पत्रकारिता करना घलो चुनौतीपूर्ण कार्य हे। बस्तर म आम जनता के उम्मीद, विचार अउ समस्या के आइना बनके शासन-प्रशासन के समक्ष प्रस्तुत करे बर आपमन के प्रयास ल नमन हे।
उप मुख्यमंत्री अरुण साव ह कहिन कि लोकतंत्र के चौथा स्तंभ के रूप म पत्रकारिता के उच्च आदर्श के पालन करके, सरकार के अच्छा काम के जानकारी जनता ल देव अउ कमी ल घलो बताएव। वनमंत्री केदार कश्यप ह कहिन कि पत्रकारिता के नवा आयाम स्थापित करे म बस्तर के पत्रकार के महत्वपूर्ण भूमिका रिहीन हे।
कार्यक्रम म मुख्यमंत्री साय ह बस्तर जिला पत्रकार संघ के नव निर्वाचित पदाधिकारी मन ल शपथ दिलाइस अउ पदाधिकारी मन ल नवा दायित्व के निर्वहन के संग नवा बछर के बधाई अउ शुभकामना घलो दिस। कार्यक्रम म बस्तर जिला पत्रकार संघ के अध्यक्ष मनीष गुप्ता ह स्वागत उद्बोधन दिस। ए अवसर म खेल मंत्री टंकराम वर्मा सहित बड़ संख्या म पत्रकार मन उपस्थित रिहीन।
