मुख्यमंत्री के पहल ले निरंतर धान खरीदी जारी, अब तक 93.44 लाख मीट्रिक टन धान के हो चुके हे खरीदी
रायपुर। मुख्यमंत्री विष्णु देव साय के मार्गदर्शन म प्रदेश के किसान ले सुगमता पूर्वक धान के खरीदी करे जात हे। उहें धान खरीदी व्यवस्था म वरिष्ठ अधिकारी मन ह लगातार मॉनीटरिंग करत हे। राज्य म 14 नवम्बर ले शुरू होवइया धान खरीदी के सिलसिला अनवरत रूप से जारी हे। अभी तक लगभग 93.44 लाख मीट्रिक टन धान के खरीदी हो चुके हे। धान खरीदी के एवज म 18.69 लाख किसान मन के बैंक लिकिंग व्यवस्था के तहत 21 हजार 40 करोड़ रूपया के भुगतान करे गे हे। धान खरीदी के ए अभियान 31 जनवरी 2025 तक चलही।
प्रदेश के समस्त पंजीकृत कृषक मन ल खरीफ विपणन बछर 2024-25 म धान विक्रय बर टोकन के सुविधा ऑनलाईन एप्प, टोकन तुंहर हांथ अउ उपार्जन केन्द्र म 25 जनवरी 2025 तक बर उपलब्ध कराए गे हे। किसान मन के सुविधा अनुसार तिथी के चयन करके नियमानुसार धान विक्रय कर सकत हे।
धान खरीदी के संग- संग मिलर्स मन ह घलो धान के उठाव तेजी ले करत हे। धान उठाव बर लगभग 62.72 लाख मीट्रिक टन धान बर डीओ अउ टीओ जारी करे गे हे, जेखर विरूद्ध अब तक 36.38 लाख मीट्रिक टन धान के उठाव कर ले गे हे।
खाद्य विभाग के अधिकारी मन ह बताइन कि ए खरीफ बछर बर 27.78 लाख किसान मन ह पंजीयन कराइस। एमा 1.59 लाख नवा किसान शामिल हे। ए बछर 2739 उपार्जन केन्द्र के माध्यम ले 160 लाख मीट्रिक टन धान खरीदी अनुमानित हे।
खाद्य विभाग के अधिकारी मन ह बताइन कि आज 2 जनवरी 2025 को 62494 किसान मन ले 2.90 लाख मीट्रिक टन धान खरीदे गिस। जेखर बर 81 हजार 926 टोकन जारी करे गे रिहीन। एखर अलावा आगामी दिवस बर 83 हजार 303 टोकन जारी करे गे हे।
