मुख्यमंत्री विष्णुदेव साय हरिनाम संकीर्तन नामयज्ञ मं होइन सामिल

श्री जगन्नाथ मंदिर मं करिन पूजा-आरती, प्रदेश के मनखे मन के सुख-समृद्धि अउ खुसहाली के करिन कामना

रायपुर . मुख्यमंत्री विष्णुदेव साय आज राजधानी रायपुर के गायत्री नगर मं स्थित जगन्नाथ मंदिर मं आयोजित हरिनाम संकीर्तन नामयज्ञ मं सामिल होइन। ए मौका मं मुख्यमंत्री श्री साय ह विधि-विधान के संग भगवान जगन्नाथ, भगवान बलभद्र अउ देवी सुभद्रा के पूजा-आरती करके प्रदेश के मनखे मन के सुख, समृद्धि अउ खुसहाली के कामना करिन।

मुख्यमंत्री श्री साय ह हरिनाम संकीर्तन के परंपरा ला भारतीय संस्कृति के अमूल्य धरोहर बतावत कहिन कि अइसने आयोजन ह मनखे मन ला आध्यात्मिक रूप ले जोड़े के संग-संग समाज मं भाईचारा अउ सद्भाव के संदेस घलो देथे। ए मौका मं विधायक पुरंदर मिश्रा संग आन जनप्रतिनिधि, गणमान्य नागरिक अउ श्रद्धालु उपस्थित रहिन।