CM Bhupesh Baghel ह गणतंत्र दिवस म जगदलपुर म करही ध्वजारोहण

जय जोहार। गणतंत्र दिवस के अवसर म सीएम भूपेश बघेल (CM Bhupesh Baghel) ह 26 जनवरी के जगदलपुर के लालबाग परेड ग्राउंड म आयोजित मुख्य समारोह म बिहनिया 9 बजे ध्वजारोहण करही अउ सिरहासार भवन के तीर शहीद स्मारक स्थल पहुंचके बिहनिया 11.05 बजे श्रद्धांजलि कार्यक्रम म सामिल होही ।

निर्धारित कार्यक्रम के अनुसार मुख्यमंत्री ह बिहनिया 8.50 बजे सर्किट हाउस जगदलपुर म ध्वजारोहण करे के बाद गणतंत्र दिवस समारोह म सामिल होही । मुख्यमंत्री ह शहीद स्मारक स्थल ले 11.15 बजे प्रस्थान कर 11.20 बजे मां दंतेश्वरी मंदिर के दर्शन करही। एखर बाद दंतेश्वरी मंदिर परिसर ले कोतवाली तक ‘हाथ से हाथ जोड़ो’ कार्यक्रम म सामिल होही ।

ए कार्यक्रम के बाद मंझनिया 12.05 बजे जगदलपुर सर्किट हाउस पहुंचही अउ उंहा ले मंझनिया 12.35 बजे आमागुड़ा चौक म आमागुड़ा चौक अउ अमर वाटिका के लोकार्पण करही । एखर बाद मुख्यमंत्री ह मंझनिया 1.40 बजे ग्राम तुरेनार म रूरल इंडस्ट्रियल पार्क (रीपा) के अवलोकन करही । मुख्यमंत्री ह कार्यक्रम के बाद मंझनिया 3.15 बजे पुलिस ग्राउंड हेेलीपेड रायपुर आही ।